Mor mi broderte
fleire fine bilete, ein del store, nokre mindre. Så fekk ho dei innråma. M.a.
broderte ho fire bilete i serien «Dei fire årstidene». Desse fekk ho lik råme
på, så vi skjønte at desse måtte henge i hop, då vi skifta.
Lurer på kva
årstid dette er. Grønt har det vore, sidan jul. To-tre månader med vårkjensle.
I går kveld tok det til å snø. Så no er det vinter, att. Tru om vi går rett
over frå vinter til sommar, når det lir på litt. Kanskje det vert som i
Gudbrandsdalen. Då eg budde der var det våren eg sakna, der gjekk det rett
over. Så snart snøen og kulden forsvann, var det sommar. Men der sa dei jo at
dei hadde berre tre årstider. Vinter og sommar og elgjakt.
Ingen kommentarer:
Legg inn en kommentar